الجنس : العمر : 49 تاريخ التسجيل : 29/06/2009 الاوسمة :
موضوع: مشروع العشرة ايام الثلاثاء 10 نوفمبر 2009, 3:51 pm
السلام عليكم
يارب تكونو كلكم بخير ان شاء الله
كانا بنقول بنحب ربنا ..وكلنا بنحاول نبقى احسن ...وبنفضل نحاول ..ونكون شوية صح مع ربنا وشوية مش بنعرف نكمل..ومع ذلك سبحان الله ربنا بيحبنا وعايزنا معاه ودايما بيفكرنا بيه...لانه لو مش بيحبنا مش هيفكرنا..وعشان كده كل شويه بيبعتلنا هدية...سبحان الله ...ربنا عز وجل بيحبنا رغم كل معاصينا...احنا كمان بنحبك يارب
واجمل هدية ربنا بعتلنا دلوقتى 10 ايام ..غاليين اوى عنده جل فى علاه...قسم الله بهم فى كتابه العزيز (وليال عشر)...لو حد اداك هدية بتكون فرحان اوى وبتفكر هتردها ازاى ..ولله المثل الاعلى بجد لازم نرد الهدية يا جماعه ونقول كلنا بنحبك يارب ..وهنرد الهديه ...الرسول عليه الصلاة والسلام قال تهادو تحابو) صدق رسول الله
واذا كان ده بين البشر ...يبقى هنعمل ايه مع ربنا سبحانه وتعالى...بجد بنحب ربنا؟ ليه بناخد خطوة ونندم وبنرجع تانى؟ ومع ذلك ربنا بيحبنا (خير الخطائين التوابين) سبحان الله ...تعالو ناخد قرار ومنقولش هنحاول ولازم بجد نغتنم الفرصة دى ...
واللى مغتنمش رمضان لازم ياخد تانى هدية من ربنا..والى اغتنم رمضان فرصه يصحى قلبه تانى ...ويطمن نفسه انه لسه فى كنف الله والله ربنا مش هيقوله لا ومستنينا حتى الى منتظمش بعد رمضان
" ما من أيامٍ العملُ الصالحُ أحبُّ إلى الله فيه من هذه العشر " أي أيام العشر الأوائل من شهر ذي الحجة
قالوا : ولا الجهاد في سبيل الله ؟
قال : ولا الجهاد في سبيل الله إلا رجل خرج بنفسه وماله ثم لم يرجع من ذلك بشيء " (رواه الجماعة إلا مسلماً والنسائي
واليكم جميعا مشروع العشرة ايام
خطة المشروع :
ــــــــــــــــ
ـ صيام 9 أيام
ـ صيام يوم عرفة
ـ قيام الليل بمئة آية
ـ الجلوس يومياً بعد صلاة الفجر حتى صلاة الضحى(بعد الشروق)
ـ ختم القرآن في الأيام العشر .
- الأكثار من التكبير والتهليل والتحميد
مدة المشروع :
ــــــــــــــــ
عشرة أيام تبدأ من أول يوم من ذي الحجة, 1430 وتنتهي في 10 من ذي الحجة, 1430
ان شاء الله
أهداف ومزايا المشروع :
ــــــــــــــــ
1ـ إحياء القلب يوم تموت القلوب
2ـ تكتب في التائبين
3ـ تكفير سنة ماضية وسنة مقبلة
4ـ أجر حجة وعمرة تامةً تامة
5ـ استغفار 70 ألف ملك
6ـ استجابة الدعاء
تعرَّضوا لنفحات الله " حجوا قبل أنْ لا تحجوا واغتنموا خمساً قبل خمس "
شروط يلتزم بها قبل وأثناء المشروع :
ــــــــــــــــ
ـ النية والهمة العالية وذلك بـ :
1ـ صلاة ركعتين قضاء حاجة وتوبة
2ـ متابعة الحجيج واستحضار ما هم فيه من نفحات
3ـ عمل خطة مع أهل البيت لهذه الأيام
4ـ جلسة مع الأولاد لأخذ العبر والعظات من قصة الذبح والحج .
5ـ التكبير الجماعي بصوت مرتفع 5 دقائق يومياً .
6ـ متابعة الأصدقاء يومياً .
7ـ صلة الأرحام يومياً ولو بهاتف .
8ـ المحاسبة اليومية .
عايزين كلنا نكون مع بعض فى المشروع...لازم نقول لربنا اننا بنحبك يارب..اجتمعنا فى حبك وهنفترق عليه عسى ان تظلنا بظلك يوم لاظل الا ظلك...كلنا هناخد الهديه عشان انت يارب غالى علينا اوى...وهديتك كبيره اوى...منقلش هنحاول يا جماعه ..لازم ناخد قرار
انا مشفتش حد من اعضاء الصفحه ..وكلنا منعرفش بعض ...بس سواء فى الصفحه هنا او اى جروب تانى احنا بندخله عشان ربنا والاسلام..يعنى مفيش بنا اى مصالح يعنى بجد ممكن ننوى نكون من السبعه الى هيظلهم ربنا بظله ان شاء الهه نجتمع على حب لله ونفترق عليه ...ونبدء تجمعنا فى اول يوم من ذى الحجة ...ونكون بجد صورة حلوة للمسلمين ربنا يتباهى بنا ادام ملائكته ...ونكون كلنا مع بعض يوم القيامه ..نتباهى بالعشر ايام وبهد ية ربنا لينا
يلا يا جماعه كلنا نستعد من دلوقتى للمشروع ...نخلص النيه اوى ..وكلنا عارفين حديث الرسول عليه الصلاة والسلام ..ان الطاعه فى هرج كهجرة لى ...سبحان الله يعنى فى العشر ايام دول جنب ثواب الطاعه ممكن ناخد ثواب الهجرة لرسول الله صلى الله عليه وسلم...اللهم امين
ربنا يتقبل منا ومنكم جميعا ..ويلا نخلى كل صحابنا يبقو معانا عايزين يبقى عددنا كبير اوى يوم القيامه ..لعل وعسى تشفعلنا العشر ايام دى
بحبكم كلكم فى الله
وجزاكم الله خيرا
وربنا يتقبل منا جميعا
حنين المدير العام
الجنس : العمر : 36 العمل : طالبه تاريخ التسجيل : 29/04/2008 الاوسمة : اوسمة خاصة :
موضوع: رد: مشروع العشرة ايام الأربعاء 11 نوفمبر 2009, 6:18 am
يا له من مشروع عظيم ربيع شكرا لكى غاليتى لطرح هذا المشوع القيم والغالي وجزاكى عنا وعن كل المسلمين كل الخير وكل عام وانتى بخير